បុរសដំបូងគេលោកដោយមិនមានបេះដូង...

វាគឺជារឿង ធម្មជាតិទេ ពេល​ដែល មនុស្ស​ម្នាក់ មិន​មាន​បេះ​ដូង នៅ​ក្នុង​ខ្លួន គេ​នឹ​ង​ស្លាប់។ តែ​នេះ ហាក់​បី​ដូច​ជា​រឿង

​មួយ ដែល​ផ្ទុយ​ពី​ធម្មជាតិ និង​មិន​គួរ​អោយ​ជឿ ពេល​ដែល បុរស​អាយុ 25 ម្នាក់ អាច​រស់​នៅ បាន

ដោយមិនមានបេះដូងឡើយ ហើយបើរាប់ ចាប់ពីថ្ងៃគាត់ គ្មានបេះដូងមក គឺមានរយៈពេល 500 ថ្ងៃ​ជាងហើយ។

គាត់មានឈ្មោះថា Stan Larkin ហើយសព្វថ្ងៃនេះដែរ គាត់មានសុខភាពល្អ និងជាសះស្បើយហើយ ដោយសារតែ​

គាត់បានទទួល បេះដូងពីជនសប្បុរស ដែលបានបរិច្ចាក អោយគាត់។ យ៉ាងណាមិញ ចំពោះ​មូលហេតុ ដែលធ្វើអោយ

គាត់អាចរស់បាន ដោយមិនមានបេះដូង កាលពីមួយរយៈមុននោះ គឺ​ដោយ​សារតែ ការបំពាក់នូវ បេះដូងសប្បនិមិត្ត

ភ្ជាប់ទៅក្នុងសរសៃរឈាម របស់គាត់ ដែលគាត់តែងតែ ស្ពាយ​ជាប់ខ្លួនជានិច្ច នៅក្នុងកាតាបរបស់គាត់។

បើតាម លោកវេជ្ជបណ្ឌិត Jonathan Haft បានមានប្រសាសន៍ អោយដឹងថា៖ “កាលខ្ញុំបានជួបគាត់ ជា

​លើកដំបូង នៅក្នុងមន្ទីរថែទាំអ្នកជម្ងឺ គឺគាត់កំពុងតែ ស្ថិតនៅក្នុង អាការៈមួយ ដែលធ្ងន់ធ្ងរខ្លាំង។ ខ្ញុំចង់​ជួយ​គាត់

ដោយចង់ប្តូរបេះដូង ថ្មីអោយគាត់ តែខ្ញុំគិតថា ពេលវេលាមិនមាន គ្រប់គ្រាន់ឡើយ សម្រាប់​ការ​វះកាត់ ព្យាបាល។”

នៅពេលនោះ លោក វេជ្ជបណ្ឌិត បានបំពាក់ ឧបករណ៍ជំនួយ ដូចជា បេះដូងសប្បនិមិត្ត អោយជំនួស​សិន និងរង់ចាំ

តាមដាន ពី ស្ថានភាព​ជម្ងឺ​របស់​គាត់ ជាបន្តទៀត ក៏ដូចជា រង់ចាំ ការបរិច្ចាកនូវ បេះដូង ពីជន​សប្បុរស ផង​ដែរ។ រហូតដល់

​មក​ដ​ល់ ថ្ងៃទី 9 ខែឧសភា ឆ្នាំ 2016 កន្លងទៅនេះ ដែលមានរយៈ​ពេល 550 ថ្ងៃជាងហើយ ទើបគាត់ អាចទទួលបាន

បេះដូង ពីអ្នកបរិច្ចាក និងធ្វើការវះកាត់ ប្តូរបេះដូង ទាល់តែជាសះស្បើយ ហើយអាច រស់នៅបានដូចគេឯង

សព្វថ្ងៃនេះ។

<iframe width="560" height="315" src="https://www.youtube.com/embed/7q9vEcrGrac" frameborder="0" allowfullscreen></iframe>