កាមេរ៉ាតូចជាងគេបំផុតលើលោក អាចចាក់ចូលក្នុងខ្លួនមនុស្សបានដើម្បី…

នាពេលបច្ចុប្បន្នយើងធ្លាប់​តែ​ឃើញ​គេ​ប្រើប្រាស់​កាមេរ៉ា​ពពួក Digital, DSLR ធំៗ ក៏ដូច​ជាប្រើ​ប្រាស់​កាមេរ៉ា

​របស់​ស្មាត​ហ្វូន និង​ថេប្លេត​ជា​ដើម ដែល​សុទ្ធ​សឹង​ជា​កាមេរ៉ា​មាន​សេនស័រ​អាច​ឲ្យ​យើង​ចាប់​កាន់​បាន

មានអារម្មណ៍ថាវានៅក្នុងដៃជាដើម។ ក្នុងនោះផងដែរ យើងក៏ឃើញមានកាមេរ៉ាតូចៗ​សម្រាប់​លួច​ថ​តរូបភាព ឬវីដេអូរបស់អ្នកជំនាញផងដែរតាមរយៈប៊ិច, វែនតា, ខ្សែដៃ, ខ្សែក ជាដើម -ល- ដែល​សុទ្ធ

​សឹងជាកាមេរ៉ាបំពាក់មកជាមួយសេនស័រធំអាចឲ្យយើងចាប់កាន់ មើលនឹងភ្នែកឃើញ ក៏ប៉ុន្តែអ្វី​ដែល​អ្នក​ត្រៀម នឹងអានបន្តិចទៀតនេះ គឺជាការច្នៃប្រឌិត ក៏ដូចជាការវិវឌ្ឍន៍ខ្លួនដ៏ពិសេសមួយ​ក្នុង​យុគសម័យ​ថ្មីនេះ

ដោយនៅសកលវិទ្យាល័យ University of Stuttgart របស់ប្រទេសអាលឺម៉ង់ មា​ន​ក្រុម​​អ្នកវិទ្យាសាស្ត្រ​មួយ

បានផលិតចេញនូវកាមេរ៉ាបែប 3D-Printed មានកែវលេនសម្រាប់ថតយករូប​ភាព​ និងវីដេអូចំនួន 3 ជាផ្លូវការ ហើយអ្វីដែលពិសេសបំផុតនោះ គឺវាមានទំហំតូចខ្លាំងបំផុត។

កាមេរ៉ាដ៏តូចមួយនោះត្រូវបានប្រាប់ឲ្យដឹងថា វាពិតជាមានទំហំតូចខ្លាំងមែនទែនត្រឹមតែ 100 ម៉ៃក្រូ​ម៉ែត្រ​ប៉ុណ្ណោះ​ ឬស្មើរនឹង 0.004 អ៊ីញ ដែលយើងសឹងមិនអាចមើលឃើញដោយភ្នែកទទេបាន។ លក្ខណៈ​ពិសេសរបស់កាមេរ៉ានេះគឺវាអាចធ្វើការចាក់បញ្ចូលក្នុងរាងកាយរបស់មនុស្សយើងបានតាម​រយៈម្ជុលចាក់ថ្នាំ ឬសារ៉ូម ជាដើម។

ការប្រើប្រាស់កាមេរ៉ាចាក់ចូលទៅក្នុងខ្លួនប្រាណមនុស្សបែបនេះគឺដើម្បីពិនិត្យទៅលើរាងកាយរបស់អ្នកជំងឺប៉ុណ្ណោះ

មានន័យថាក្រុមគ្រូពេទ្យជំនាញ អាច​ប្រើ​ប្រាស់​វា​ដើម្បី​មើលទៅផ្នែកអ្វីមួយក្នុងរាងកាយមនុស្សយើងបាន

ដោយប្រើប្រាស់វាភ្ជាប់ជាមួយ Optical Fiber ដើម្បី​បញ្ជា ដោយវាអាចមើលទៅលើរូបភាព (Focus)

គិតពីគម្លាតស្មើរនឹង 0.12 អ៊ីញពីទីកន្លែង ឬ​តំបន់​ដែលយើងចង់ឃើញ តាមរយៈកែវលែនចំនួន 3

ដូចបានរៀបរាប់ខាងដើម ដូចជា​កែវលែន​មាន​រូបរាង​ជាមូល និងត្រីកោណ ជាដើម ថែមទាំងអាចធ្វើការថតហើយ Print តាមម៉ាស៊ីនចេញមក​ក្រៅ​បាន​ថែម​ទៀតផង។

យ៉ាងណាក៏ដោយ កាមេរ៉ាដ៏សែនតូចមួយនោះ នៅពុំទាន់មានឈ្មោះហៅជាផ្លូវការនៅឡើយទេ ហើយ​ក្រុម

​អ្នកវិទ្យាសាស្ត្រទាំងនោះក៏បង្កើតវាឡើង ក្នុងគោលបំណងធ្វើតេស្ដសាកល្បងផងដែរ មិនមែន​បង្កើត​

​ឡើងរាប់លានសម្រាប់ផ្គត់ផ្គង់ទៅឲ្យក្រុមហ៊ុនណា ឬមន្ទីពេទ្យណាមួយនៅឡើយទេ ព្រោះអាច​នឹង​មានជនខិលខូចជាច្រើន

អាចទាញយកផលប្រយោជន៍ពីវាក្រៅពីការប្រើប្រាស់​ក្នុងមន្ទីពេទ្យជា​ដើម​។ អ្នកអាចនឹងឆ្ងល់ថា

បើវាតូចអញ្ចឹងតើការផលិតត្រូវចំនាយច្រើនឬយ៉ាងណា? យោងតាមប្រភពពត៌​មាន​បញ្ជាក់​យ៉ាងច្បាស់ថា

អ្នកវិទ្យាសាស្ត្រផលិតកាមេរ៉ានោះ ចំនាយថវិកាតិចតួចប៉ុណ្ណោះ ក្នុងការ​ផលិត​​កាមេរ៉ា​ដ៏តូច

តែមានសមត្ថភាពពិសេសបែបនេះ ហើយវាក៏អាចនឹងត្រៀមឲ្យប្រើប្រាស់ជាផ្លូវការ​ផង​ដែរ នាថ្ងៃអនាគត

ដើម្បីជួយទៅដល់ពេទ្យជំនាញៗ ដើម្បីព្យាបាល វែកមុខ កន្លែងមានបញ្ហាអ្វីមួយ​ក្នុង​រាង​កាយមនុស្សយើង។