Rooney ថាគ្រូបង្វឹកអង់គ្លេសថ្មី...

Rooney ថាគ្រូបង្វឹកអង់គ្លេសថ្មី មិនចាំបាច់ជាជនជាតិអង់គ្លេសទេ

Wayne Rooney បានទទូចសុំដល់សហព័ន្ធបាល់ទាត់អង់គ្លេស (FA) ជ្រើសរើសបុគ្គលមានសមត្ថភាពមក

ដឹកនាំក្រុមជម្រើសជាតិ ជាជាងប្រកាន់រើសតែគ្រូបង្វឹកជនជាតិអង់គ្លេស។

ការលើកឡើងដូច្នេះរបស់ប្រធានក្រុមវ័យ៣០ឆ្នាំ ធ្វើឡើងក្រោយពីតោកំណាចអង់គ្លេសធ្លាក់ចេញពីកម្មវិធី អឺរ៉ូ ត្រឹមវគ្គ១៦ក្រុមចុងក្រោយ ហើយគ្រូបង្វឹក លោក Roy Hodgson ដែលជាជនជាតិអង់គ្លេសបានលាឈប់ពីតួនាទី។

“វាពិតជាប្រសើរបើគ្រូបង្វឹកក្រោយជាជនជាតិអង់គ្លេស ប៉ុន្តែត្រូវឲ្យប្រាកដថាគាត់ជាជម្រើសដ៏ត្រឹមត្រូវ គាត់មានសមត្ថភាពគ្រប់គ្រាន់សម្រាប់ដឹកនាំក្រុមជម្រើសជាតិ។” Rooney លើកឡើងដូច្នេះ។

អង់គ្លេសមិនសូវមានគ្រូបង្វឹករូបណាល្បីឈ្មោះគួរឲ្យកត់សម្គាល់នោះទេ សូម្បីតែនៅក្របខ័ណ្ឌ Premier League ភាគច្រើនគ្រូបង្វឹកនៃក្លឹបនិមួយៗសុទ្ធតែមកពីបណ្ដាប្រទេសដទៃ។ បើមើលទៅអតីតកាលតោកំណាចអង់គ្លេស ធ្លាប់ប្រើប្រាស់គ្រូបង្វឹកបរទេសឲ្យដឹកនាំជម្រើសជាតិរបស់ខ្លួនដូចជាលោក Sven-Goran Eriksson ជនជាតិ ស៊ុយអែត និងលោក Fabio Capello ជនជាតិអ៊ីតាលី៕

ID MAG

Header Ads

Rooney ថាគ្រូបង្វឹកអង់គ្លេសថ្មី...